Viajo in Irlanda

Picinina e conpata, se pol traversarla tuta quanta in quatro ore. La Irlanda, politicamente divisa in Eire e Irlanda del Nord, ke fa parte del Regno Unio, xe situada sol’Oseano Atlanticoirlanda_éire_fisico_politica, quasi spintonà dal mar sol canton pi’ distante de la Europa. De sta poxision ghe ne trae benefici el clima, ke no xe mai masa duro, anca se senpre masa piovoxo (ma “se no te piaxe el tenpo speta sinque minuti” dixe la gente del logo) e da qua ciapa forse el sò caratere tuta la isola, incantonà tra cielo e mar.

Mai conquistà dai romani, abità da Celti cristianixai sol V secolo da S. Patrizio, la isola la xe distante a la so estremità orientale solo 11 miglia da la Gran Bretagna, ma a dispeto de la visinansa geografica e de la dominasion inglexe fin dal 1200, la Irlanda no xe mai sta asimilada da la Inghiltera dal punto de vista cultural e politico.
La storia del paese, da quando ke xe ‘nda sù al trono de la Inghiltera la dinastia Tudor sol XVI secolo ai tentativi de anglisixasion forsà pol esar leta come na rexistensa dei Irlandesi ke marca la propria identità nasional soratuto co quea katolica. In nisuna maniera la Irlanda se prexenterà al visitator come na apendice de la Gran Bretagna e anca la stesa lengua inglexe, ke in parte se ga soirlanda_1stituio al gaelico, la sonarà pì dolse e arikia dal’amor par la parola e da la stesa ciacoloxità de i Irlandesi. Se xe posibile dar un caratere nasional, queo irlandexe xe sicuramente comunicativo e verto, e la ospitalità la xe una dele robe fondamentali.
L’amor par la musica e par el balo se esprime in particolar soe tante feste paesane e tradisionali dove el contato tra le persone xe pìle, magari iutà da un goto de bira. La Irlanda xe divisa in 4 provincie. El Leinster xe la parte a sud-est, ghe se trova Dublino, la capitale de la Republica de Irlanda, dove ke se consentra un terso de la popolasion irlandexe. La cità, nata sol XII secolo a le foci del fiume Liffey, la xe divisa in do parti. I edifici storici e monumentali i xe un mucio, tra i tanti ricordemo la cexa protestante de San Patrisio e la catedral katolica. Notevoli le testimonianse del stile georgian, le piase e le porte e in jenare i edifici setecenteski ke se trova longo Dame Street e O’Connell Street. El corso del fiume Shannon, el pì longo de la isola e ke ciapa gran parte de la provincia, el xe infine logo de sujestion paesagistike e leterarie.
Munster xe la provinica dove ke ghe xe i itinerari pì selebrai de la Irlanda, le coste frastajae sud-osidentali co le carateristike baie fonde, a partir da quela de Dingle; la contea de clare co le Cliffs of Moher; el altopian carsico de Burren e el maravejoso “Ring ogf Kerry” fato de na rara sucesion de belese paesagistike. La cità pì stranezza_in_irlandagranda del onnacht xe Galway, ke se trova sola omonima baia, co davanti le scabrose isole Aran. La xona pì interesante del Connacht ze la dura region del Connemara, rika de montagne, laghi e torbiere, puntejà dai carateristisi cottages. La importansa storica e le belese naturali, tra le quali le spiaje, i rende la contea nord-osidental de Donegal na belisima scoperta. Belfast , capitale del Ulster, e la contea de Down, i ofre un mucio de ocaxion par godar de testimonianse storike, belese naturali e paesaji contadini e costieri.

Bon Viajo!

Redasion Raixe Venete

Scrivi on comento

Lascia un commento

Il tuo indirizzo email non sarà pubblicato. I campi obbligatori sono contrassegnati *


NOTA BEN: la Botega de Raixe Venete par qualche jorno no sarà ativa: tuti i ordini i vegnerà evaxi da metà setenbre, dopo la Festa dei Veneti 2017 che se tegnerà a Cittadella/Sitadela -PD- el 9 e 10 de setenbre! Te spetemo a la Festa co tuti i nostri prodoti!