NOVO SITO DE RAIXE VENETE!

Salve a tuti,

ghemo el piasere de prexentarve uficialmente el novo sito internet de Raixe Venete.

Dopo raquanti àni ghemo pensà che finalmente xera ora de dare na imajine nova e difarente ala nostra Asociasión “Veneto Nostro – Raixe Venete” co on sito che fùse senpre pì al pàso coi tenpi e co le ultime tecnologìe, pur mantegnendo on raporto streto coi nostri vixitatori e amighi utenti.

Co sto novo sito volemo dare a chi che nàvega na informasión so tuto quelo che reguarda la cultura e la identità veneta a 360°, metendo a dispoxision testi, articoli e materiale multimediale, come i convegni e i video da scoltare e védare on-line.

Ogni articolo/documento publicà da uncó se podarà comentar e, roba inportante, ogni pàjina del sito se podarà condivìdare so i prinsipali Social Network, cofà par exenpio Facebook.

El sito no sarà solo che na vetrina pa la nostra Asociasion, ma volemo dar rixalto e spasio anca a altri eventi culturali e identitari che vien periodicamente organexà sol teritorio: par questo ghemo metesto a dispoxision on Calendario Eventi senpre ajornà, anca pa dar la posibilità ai nostri amighi e sinpatixanti de vegner a catarne indove organixemo man i nostri Eventi.

No ne resta che augurar a tuti na bona navigasion, co l’augurio de continuar, anca grasie a sto novo strumento, a far crésare fra i Veneti la nostra Identità e l’amor pa le nostre Raixe.

El Diretivo de Raixe Venete

  • Crisvi scrive:

    Complimenti pal novo sito toxi !

    E un ” in boca al leon ” par la nova edision dela Festa dei Veneti.

    A son contento che el bravo Montagner, gapia inserio in tel palinsesto dela Festa, anka le bele musiche clasiche de Vivaldi e le comedie del Goldoni, par mi un mito straordinario dela comedia Veneta, mai desmentegà.
    Iera esatamente queo che gaveo proposto ( nonostante le critiche dei soliti incivili sotoculturà ) l’anno scorso su l’indipendenza.

    Se podarò vegnarò sù, salute dei mii, permetendo.

    Un strucon de amicisia e bone robe.

    CrisV 🙂

  • Fra. scrive:

    Complimenti Tosi parche’ non invitatee sociazion veneti schiacciati dalla crisi de MIRELLA TUSSATO ALA PROSIMA MANIFESTASION DE CITADEA. A SETEMBRE FESTA DEI VENETI. CIAO FRA. CHE FADIGA SCRIVARE IN DIAETO.

  • Scrivi on comento

    Lascia un commento

    Il tuo indirizzo email non sarà pubblicato. I campi obbligatori sono contrassegnati *