Notissie dela léngoa Talian en Brasile

Oficio n° 009

Dotor Paulo Massolini – Presidente dela Federação das Associações Ítalo Brasileiras, veunnamedro artìfice dela LÉNGOA TALIAN che ze una mescolansa de diversi dialeti portai con la granda imigrassion italiana ntel Brasile, ze drio far una muciaia de conferense in tuta Region Taliana ntela parte pi meridional del Brasile.

El ogetivo ze far la cossiensa dela importànsia dela Léngoa Talian che ze stà ricognossesta per il Governo Brasiliano come “Léngoa de Riferimento Nassional e Patrimònio Cultural Imaterial del Brasile”, mèrito consegnà in 18 de novembre de 2014. El Talian ze la prima Léngoa ntel Brasile a ricever questo tìtolo.

Nantro ogetivo, ze crear lege intei munissìpi a esémpio de Serafina Corrêa ndove Dr. Massolini ze Conseliero Comunal e la Léngoa Talian ze Léngoa co-ofissial al portughese. Traverso le lege se pol parlar nò come léngoa minoritària e si come léngoa ofissial. Questo fa soravegner un orgòlio a le persone de parlar Talian e mantegner viva la cultura dela imigrassion italiana nel Brasile (usi, costumi e tradission). Se finise la léngoa, finise la cultura.

Conclude, che par via d’un grando laoro dela FIBRA, el governo Brasilian ga consedesto il ricognossimento a la nostra Léngoa Talian. El medèsimo gà sucedesto con la region del Rio Grande do Sul e anca par sora con la region de Santa Catarina ndove  el Talian gà deventà Patrimònio Cultural Imaterial. Adesso semo atenti ai munissipi. Serafina Corrêa come sponente dela talianità in Mèrica,  ga fato la so parte e ressentemente el paese de Flores da Cunha gà fato lo stesso e adesso semo drio rivar a Bento Gonçalves un dei pi grossi paese dela imigrassion.

Cossi, semo drio far la nostra parte con orgòlio dela nostra ereditarietà e semo drio far la stòria de Taliani in Brasile.

 

 

Dr. Paulo Massolini

Presidente

  • Maria Inês Bernardi Chilanti scrive:

    Antônio Prado- RS- la cità pi italiana del Brasile, anca la ga la léngoa Talian come co-ofissial al portoghese ancora del giorno 27 de maio de 2015

  • Scrivi on comento

    Lascia un commento

    Il tuo indirizzo email non sarà pubblicato. I campi obbligatori sono contrassegnati *