La Corsica, na perla desmentegada del Mediteraneo

 

OLYMPUS DIGITAL CAMERASerti la exàlta, altri ghe ne paciola male. La so storia la somèja ala so jografìa e

lo steso vale par tuti quei ke   ghe  xe  nati:   granìtici,   segrèti, tumultuòxi,indecifràbili. Sivilixasiòn e forèsti i se ga inposesà de sta tera  privilejà. Le trace pì evidènti le resta quele genovèxi. Inposibile qua, scancelare la Storia.

Le ixole le fa parte dei continènti ma la Corsica la vive decixamente par conto suo. La vera Corsica no la apartièn al perimetro dele coste ke sta a vardare le tori genovèxi. La Corsica vera la se kata sol entrotèra, dove ke ghe xe i castagnari, dove ke ghe xe le montagne, dove i vilaji i se taca ala tera par non devegnere dexèrto. La sorte dele ixole no la xe senpre favorévole come in sto caxo, la major parte xe aride. La Corsica la resta, invese, tuto l’ano, na distèxa de verde. La tenperatura la xe tante volte clemente, a tal punto ke la primavera la vien a pasarghe l’inverno. Inposibile riusire a vèdare tuto, anca se se  afìda a na guida ke ve indica, tramite na stela, i loghi pì beli. Partanto, impregneve de Corte, sta metafora de potere, porteve fin a Tralonca. Vardè distante, el mare da Capo Rosso; Rivai a Capo Corso, sta paserèla marina, podarì meditare come dei veci sapienti, sentài soi mureti. Vardè Centuri, vardè Sant’Antonino soa Balagne, dove crese i olivi, e Bonifacio, sto posto dove finise la tera; e Sartène,  Porto-Vecchio,  Girolata, e le numeroxe capele romane, le tori ofensive de Bavella, e la spiaja d’Arone visin Piana. Finimo qua sta lista ke la podaria continuare ancora par tante pajine, tanti xe i posti beli e interesanti de sta ixola. Situà sol croxevìa dele vie maritime ‘ndando dala Francia verso la italia e l’Oriente e dala Europa sentràle verso la italia e la Spagna, la Corsica co 8.772 km2, 183 km de longhesa, 83 de larghesa e 1000 km de costa la xe la tersa pì granda ixola del Mediteraneo osidentàle oltre ke la pì alta. Efetivamente, a solo kalke kilometro dal mare, se pole rivare a 2.710 metri de altesa! Del pasà sia apasionante ke conplicà, la Corsica la ga mantegnuo, no solo la personalità poco ordinaria ma, anca segni de rikesa arkeolojica, artistica e culturale ke risercatori, conservatori de muxei, insegnanti, o pì senplisemente veci sapienti ne invita a scovèrsare.

Patrik Riondato

Scrivi on comento

Lascia un commento

Il tuo indirizzo email non sarà pubblicato. I campi obbligatori sono contrassegnati *


NOTA BEN: la Botega de Raixe Venete par qualche jorno no sarà ativa: tuti i ordini i vegnerà evaxi da metà setenbre, dopo la Festa dei Veneti 2017 che se tegnerà a Cittadella/Sitadela -PD- el 9 e 10 de setenbre! Te spetemo a la Festa co tuti i nostri prodoti!