In Regione il documento ufficiale in Lingua Veneta sulla “Risoluzione 14”

lengua veneta
Grasie a l’Academia de la Bona Creansa ve proponemo el documento scrito ofisial de la Rejon Veneto, tradoto in lengua Veneta, rivardante la “Risoluzione 14”
.
———————————————————————-
.
Declarasion de Brussels
.
Reconosendo ła spesìfega divarsità łenguìstega e culturałe de l’Union Europèa e co’l ciapar cosiensa de una de łe màsime de l’UE ‘Unìi inte ła Divarsità’;
Capindo el bezonjo de discusion e cooparasion so’l prezente e so’l futuro de i Stati in creasion, łe só łengue, l’identidà culturałe, łe prefarense sosio-econòmeghe e l’auto-organizasion par capir el roło democràtego che łe future nasion łe pol zogar inte’l mondo;
Concordando che du prensipi univarsałi i xe custodìi rento ati intarnasionałi,
Vanti de tuto, el “prensipio de ła łibartà de sielta”, un prensipio che’l ghe partien tanto a i individui che a łe comunità che i ghin fa parte par sielta łìbara e democràtega,
Par secondo el “derito de auto-detarminasion” che l’è reconosùo inte’l mondo e confermà co tratài intarnasionałi.
A se consìdara che el futuro democràtego de l’Union Europèa el sarà renforsà traverso de ła discusion e de ła conprension de i prensipi zenarałi. A se consìdara pardepì che solche traverso de l’inpenjo e de ła cooparasion co łe organizasion e łe comunità A se gavarà che i prensipi fondanti de l’UE i venje vałorizài e reconosesti in pien.
A se ga fede che traverso de’l łaoro de ‘ste organizasion e comunità A se rive a na conprension piasè profonda verso de i prensipi de auto-detarminasion, pa’l ben de tuta ła UE e de i só sitadini.
Łe organizasion e le parsone sotoscrite inte ‘sta Declarasion łe conferma drioman che:
L’auto-determinasion ła inrichise e ła renforsa ła discusion so łe rełasion (intar)nasionałe, altro che starghe in opozision. A se ła ciapa par paso nesesario par dezblocar l’atuałe situasion de fermo che A se vede par via de ła discusion verta sora el derito a l’auto-detarminasion.
L’inpenjo co parsone so’l derito a l’auto-detarminasion el pol funsionar da catałizador par contrastar i sentimenti atuałi de deziłuzion połìtega che i se vede traverso de tuta l’Europa, inpromozando i pòpołi a darse da far da novo inte’l proseso democràtego.
Inte un contesto de paxe e de sołidarietà intarnasionałe A ghe speta a łe nasion stòreghe de desìdar, democrategamente e da só posta, revardo de’l só futuro, drio aplegasion de’l derito univarsałe de autodetarminasion.
Che i deriti siviłi europèi no i pol èsar revocài altro che da na desizion de ‘sti sitadini par primi o da łe só istitusion ełete democrategamente.
A se se apeła a i menbri de ła Comision, a’l Consejo e a’l Parlamento Europèo e a i leader europèi de Stati e de governi,
Par osarvar ła neutrałità verso de ‘ste nasion drio costruir o restorar i só Stati independenti da łe struture ezistente;
Par reconósar che i tratài europèi no i contien mìa na baxe zurìdega che ła ghe parmete de afermar che łe nasion, na volta independente da Stati menbri ezistenti, łe se catarìa fora de l’UE;
Par èsar cosienti de’l fato che a i sitadini de l’UE che i dezìdare portar ła nasion ndove che i vive a’l łiveło de un Stato independente A no pol mìa èsarghe negà el derito de sitadinansa UE;
Par łaorar co chełe nasion che łe voje exersitar el derito de auto-detarminasion reconosùo intarnasionalmente;
Par darghe el benvenjùo a i Stati łejitimài democrategamente che esplisitamente i dimande de presarvar ła só adezion a l’Unione Europèa e i voje partesiparghe in modo direto a’l proseso desizionałe europèo.
 .
Brussels, Mèrcore 9 Desenbre 2015
 .

Scrivi on comento

Lascia un commento

Il tuo indirizzo email non sarà pubblicato. I campi obbligatori sono contrassegnati *


NOTA BEN: la Botega de Raixe Venete par qualche jorno no sarà ativa: tuti i ordini i vegnerà evaxi da metà setenbre, dopo la Festa dei Veneti 2017 che se tegnerà a Cittadella/Sitadela -PD- el 9 e 10 de setenbre! Te spetemo a la Festa co tuti i nostri prodoti!