Léngoa veneta nei segnali de localixasión teritoriale

Coordinamento Associazioni Venete
www.culturaveneta.org


A tuti i Sìndaci dei Comuni vèneti
Dàndoghene notisia a:
Asesuri provinciali a la cultura
Asesor a l’istrusion e a la
cultura e identità vèneta de la
Rejon Vèneto Ermanno Serrajotto


ARGOMÉNTO: segnali de localixasion del confin teritoriale del comun in léngua vèneta

lustrìsimo Sior Sìndaco,

come che probabilmente El savarà, da póco tenpo xe stà meso dentro intel nóvo Codice della Strada la posibilità de doparar la léngua vèneta par i segnali del localixasion del confin teritoriale dei Comuni.

’Sta norma qua la xe in vigor da Agosto del 2003 e deso se speta che la vegna mésa in pràtica da tuti i enti locali.

Co ’sta létara qua vorìsimo riciamar l’atension de la Só aministrasion comunale su l’inportansa de rèndar operativa la leje inpiantando i carteli in léngua local anca sol teritorio del Só Comun. Sémo sicuri che anca la Só aministrasion comunal la sostegnarà da sùbito ’sta nóva inisiativa, ùtile asè par darghe valor e protesion a la léngua vèneta, patrimonio de tuti i abitanti de la nostra Rejon.

Faxémo notar da sùbito che no la xe mìa asolutamente na inisiativa polìtica ma sol che na inisiativa culturale, prevista da na leje del Stato italian, in modo da poder valorixar le parlade locali.

Da parte nostra, el Coordinamento Associazioni Venete el méte a dispoxision, asolutamente a gratis, la só disponibilità a jutarve in materia de léngua vèneta par qualsiasi sujeriménto o conséjo sui mejo tèrmini da doparar par i carteli stradali.

El se inpegnarà anca parché tute le aministrasion comunali del Vèneto le méta in pràtica l’uxo dei carteli in léngua vèneta, premiando i Comuni che par primi i rendarà efetiva la nóva leje.


Co Rispeto,

Padova, 5 Ottobre 2003

Par el Coordinamento Associazioni Venete



Se xónta drio, par conosensa:

ART. 37 - APPOSIZIONE E MANUTENZIONE DELLA SEGNALETICA STRADALE

dopo il comma 2 è stato aggiunto il seguente comma
«2-bis. Gli enti di cui al comma 1 possono utilizzare, nei segnali di localizzazione territoriale del confine del comune, lingue regionali o idiomi locali presenti nella zona di riferimento, in aggiunta alla denominazione nella lingua italiana».


El Coordinamento delle Associazioni Venete, ativo dal 16 de Marso del 2003, l’è nato da la necesità de métar insieme le forse de tute le asociasion che lavóra, rento e fora dal Vèneto, par la difuxion, la promosion e la diféxa de la Cultura Vèneta.

’Sto organismo qua el méte insieme, par deso, 33 asociasion, grupi muxicali e culturali che i se òcupa de Cultura Vèneta sia in Vèneto e che anca tra i emigrài vèneti.


Xontémo drio tuta la lista dei grupi che ghe ne fa parte: par altre informasion se pol vardar el sito www.culturaveneta.org

Amici del Museo di Selva di Cadore
Amici della Storia e della Giustizia
Amissi del Piovego
Archedora Veneto Musica
Archeosub
Association Cultural Teuta
Bronse Querte
Centro Cultura Veneta Scantabauchi
Centro Polesano di Studi Storici, Archeologici ed Etnografici
Centro Studi e Ricerche di Isola Della Scala
Club Veneti (Germania)
Compagnia Teatrale OTOMAI
Consort Veneto
E Nostre Raise
Europa Veneta
Famiglia Veneta
La Barchessa
La Valpolesela
Le Ciàcole
Mataciancia
Milizia Territoriale dei Sette Comuni - Venetikon
Milizia Veneta
MV-MagicoVeneto
Padaniambiente
Piccolo Teatro del Ponte
Poeti UCAI - Padova
SitoVeneto.Com
Stansetta
Tamorti - gruppo musicale
Union Ladina del Cadore de Medo
Veneti nel Mondo in Uruguay
Veneto Nostro
VENETO.ORG