Doménega 16 de marso del 2008 se xe riunìa na banda co squaxi 40 strumenti e on coro de altretanti cantori, pa la prima rejistrasion uficiale de l'INO NASIONALE VENETO.
Xe stà na jornada particolare, carica de emosion, profesionalità e determinasión: se gà catà xente de tuti i tipi, da xóvani a grandi, tuti insieme pa dare el mejo, pa dare on propio contributo personale a sto inportate projeto.
Ghe vorà dèso ncora qualche stimana pal montajo de muxica e coro (on laoro de fin, precixo che richiede el laoro de tècnisi che xe xa drio laorarghe de sora); finìo questo pasaremo ala duplicasion dei CD e ala confarensa stanpa de prexentasion. Intanto continua ndar vanti la sotoscrision dei contributi volontari.
Pa finire ve informemo che el 16 de marso xe stà rejistrà anca na version de l'Ino anca co Banda + on Tenore solista. Ve tegneremo informà soi pròsimi svilupi.
Intanto, grasie a tuti!
Par qualsiasi informasión: info@raixevenete.net

L'INO NASIONALE EL XE FINALMENTE PRONTO! So sta pajina podì scoltar la prima versión cantà de l'Ino co baxe muxicale e coro. COSA GHEMO DA FARE DÈSO: da uncó parte na SOTOSCRISIÓN VOLONTARIA pa rivar a la cifra de almanco 3.000 euro che i ne servirà par: - rejistrare l'Ino Nasionale co on coro profesionale e na banda de profesionisti [la rejistrasión la xe stà fata el 16/03/2008] - creàr CD da divulgar a tuti pa difóndar el pì posìbile l'Ino Nasionale - tirar sù on contributo spexe pa rivàr a far sonare l'Ino Nasionale come prima volta a la pròsima Festa dei Veneti el 7 de setenbre 2008 a Sitadela/Cittadella (PD). Te dimandemo on to contributo pa sto projeto on mucio inportante: basta che te struchi so la copertina del futuro CD riprodota qua in parte e te confermi col boton sóto. Ogni caxèla che te struchi la val 50 euro de contributo volontario. TUTI I NOMI DEI SOSTENITORI de l'Ino Nasionale i vegnerà riportà el prima posìbile inte la lista qua sóto e i vegnerà stanpà sol retro-copertina del CD che vegnerà fato. Grasie a tuti. SEMO NA NASION

- 69 donasión - El 4 de aprile del 2008 ghemo superà le 60 adexion! Par tuti quei che vol dare on so contributo, resta verta ncora pa on serto periodo la posibilità de sostegner el Projeto de l'INO NASIONALE VENETO.

INFORMASION SO L'INO NASIONALE:
Quelo che podì scoltar da sta pàjina xe el fruto de mexi de laoro da parte de Asociasion culturali venete che le gà sentìo el bexogno de métare in pie on Ino pal nostro Popolo, al de fora de i partiti e de le ideolojìe polìtiche.
On Ino de tuti e par tuti: tuti i lo podarà cantàr e far sonàr in qualsiasi ocaxión (incontri, feste, convegni, partìe de balón, evc...).
La mùxica: la xe baxà so la “Juditha Triumphans” de Antonio Vivaldi, conpoxitór veneto, a che'l tenpo conposta so richiesta de la Repùblica Serenìsima de Venesia. La mùxica la xe stà aranjà dal maestro Luciano Brunelli.
El testo: el xe stà scrito da Ilaria Brunelli, Michele Brunelli e Davide Guiotto, tegnendo conto de le tante segnalasión e consiji che in sti mexi xe rivà da chi che la gà scoltà.
Testo e mùxica i xe depoxità a la SIAE e da on notàro/notaio.
Finalmente anca el Popolo Veneto el gà el so Ino Nasionale!

NOTE:
1- Cei: veneto trevigiano e feltrino-bellunese, veci vocabolo veneto generale dal veneziano al veronese, toxati usato in parte del vicentino e del trevigiano, tóxe adoperato nel veneto centrale e polesano: questo verso rappresenta idealmente l’unione di tutti i Veneti non solo di diversa età e sesso, ma anche di diversa provenienza geografica.
2- Fondaminti: veneto polesano, è stato scelto per ragioni di rima con vinti
3- Fen: è parola veneta trevigiana scelta per ragioni metriche; fiorire, veneto centrale anch’esso scelto per esigenze ritmiche, indica un progresso in armonia con l’ambiente, che non distrugge le risorse naturali
4- Fon: veneto feltrino-bellunese è stato scelto per ragioni metriche; l’accostamento fon sù i fondaminti (come anche più sopra fen fiorire), simboleggia l’unità pluralista veneta: le sfumature linguistiche che si fondono armonicamente in un unico verso richiamano il popolo vèneto, fatto di diverse realtà locali ma capace di presentarsi nel mondo in modo unitario.